Jaden yo grandi ak fòs ki nan lanati. Plante pye bwa epi transfòme tè a.
Pou rezève plas ou nan atelye a, sèvi ak fòmilè ki nan onglè kontak: li Anglè ak Kreyol. Atelye a ap fèt an kreyol.
Lap kòmanse lendi 28 oktòb a midi epi fini jedi 31 oktòb a 1h.
Objektif inisyativ sa a se entegre kek prinsip sentwopik ki deja bay bon rezilta nan peyi Brezil ak kèk nan pi bon pratik agrikòl ke nou ka jwenn Ayiti. Nou kwè ke lè nou brase lide yo ansanm, nou ka kreye solisyon ki ka ede kiltivatè yo e ki ka ameliore pwodiktivite tè a .
Lè atelye sa a fini, chak etidyan pral konprann prensip debaz nan agrikilti sentwopik la epi yo pral kapab tounen lakay yo pou yo fè yon jaden sou menm modèl lan.
Pandan fomasyon an Nou pral travay nan jaden men n ap gen leson nan klas la tou pandan mwatye jounen an. Donk, pote bòt travay, prepare w pou w swe men konnen ap gen bon jan leson teworik tou. Modèl agrikilti sentwopik sa a bay bon rezilta pou moun ki vle konsantre sou rekòt yo(fwi/bwa), sou mache a(agwobiznis) e sou silvopastoral la (bèt).
Moun ki vle sèvi ak modèl sa a pou elaji rekòt yo dwe aksepte chanje pratik e pran kèk risk, kòm pou kounye a se yon metòd eksperimantal.
Ap gen sipò kap bay apre atelye a pou asire gen siksè atravè yon gwoup Whatsapp.Entansyon an se bati yon rezo k ap ka favorize yon echanj alontèm. N ap fè vizit 2 fwa pa ane tou pou ede patisipan yo aplike prinsip sentwopik yo avèk siksè.
Selman se moun ki demontre yon bon nivo aplikasyon nan sentwopik la k ap elijib pou yon vizit. N ap gen kèk kondisyon pou nou obèrve:
Kondisyon pou nou obsève:
Anvan ou ale, li trè enpòtan pouw gade videyo sa a epi li gid sa a tou:
Videyo: Life in Syntropic in English Life in Syntropy in Kreyol
Gid: Abundance Agroforestry in English Agrikilti Sentwopik (An Kreyol)
Pou moun ki pral patisipe nan fòmasyon an, nap gen pou nou bay plis detay, tankou direksyon vwayaj ak enstriksyon preparasyon yo. Plas ou a ap konfime, sèlman apre ou fin peye. Peman an pa ranbousab. Se yon maksimòm de 20 moun ki ka patisipe nan atelye sa a.
Atansyon: Pap gen sètifika ki bay nan fòmasyon sa a, si patisipan an aprann byen, se jaden li pral fè a ki pral pwouve sa.